என்னிடம் இருந்தது அமைதி ஒன்று தான்

என்னிடம் இருந்தது அமைதி ஒன்று தான்

பசியில் தொலைத்தேன்
பாலருந்தி மீட்டெடுதேன்

அன்பிற்கு அழுது தொலைத்தேன்
கட்டி அணைத்து திரும்ப கொடுத்தாள்

தோல்வியில் தொலைத்தேன்
வெற்றியில் மீட்டேன்

மீட்டது தோற்றவனின் அமைதி
எனதில்லை என்றுணர்ந்தேன்

மதிப்பிற்கு புகழுக்கும் தொலைத்தேன்
வீண்செயல் என்றுணர்ந்தேன்

அழகில் விரைந்து தொலைத்தேன்
பயனில்லை என்றுணர்ந்தேன்

அறிவு ஆற்றல் என தொலைத்தேன்
எங்கு தேடியும் கிடைக்கவில்லை

கதை காவியங்களில் தேடினேன்
ஞானியார் சொற்களில் தேடினேன்

தனிமையில் தேடினேன்
என்னுள் தேடினேன்

ஆழ தோண்டி
பேரமைதி மீட்டெடுதேன்

என்னிடம் இருப்பது அமைதி ஒன்று தான்

உயிரற்ற உறவுகளை நீட்டாதீர்
என்னமைதிக்கு அது ஒப்பில்லை

நாணயங்களுக்கு விலைபேசாதீர்
பரிமாற நான் தயாரில்லை

செல்வாக்கால் பறிக்க முடியாது
அமைதி சூக்ஷம பொருள்

மாசற்ற பேதைமை அமைதிக்குலைத்தால்
மன்னித்து மீட்டுக்கொள்வேன்

நிறைந்த பணிவிற்கு
தற்காலிகமாக தள்ளி வெப்பேன்

தூய அன்பிற்கு
எடைக்கு எடை பண்ட மாற்றுவேன்

அனுபூதிக்கும் அருளுக்கும்
கைமாறு கொடுப்பேன்

இறைவனின் ஆசிக்கு
முழுதும் ஆஹுதி அளிப்பேன்