எல்லாம் இன்பமயம்

எல்லாம் இன்பமயம்!
கடமை பொறுப்பு பாத்தியதை,
தடைபடா நேரத்தில், இன்பமாய் இரு!

இன்பத்தின் இறுதியில் வெறுமை ஊற்றுபவை,
இயற்கையின் செயல் அல்ல!
பரிணாம உயர்வை தாமதப்படுத்தும் சவால்கள்.
༺༻

பொருள் தானாய் விளங்காது! தேடி அறியப்படுவது!
எது உன் ஊக்கத்தை தூண்டுகிறதோ,
அங்கு தான் உன் பொருள் உண்டு.

சக்தியும் நேரமும் வளமும்,
தானாய் விரையும் செல்வங்கள்!
சீராய் செலவிட்டு, வைப்பு சேர்த்தலே, பொருளின் தாத்பரியம்.
༺༻

கருத்தால் வரையறுக்க முடியாத ஒன்று அறம்.
சேமித்த வளங்களை எல்லாம்,
கணக்கின்றி மனமொன்றி செலவிட தூண்டும்!

அன்பில் வியப்பில் அக்கரையில்,
சக்தியும் நேரமும் வளமும் செலவிட்டு,
மனம் நெகிழும் செயல் யாவும் அறமாம்.
༺༻