நவகிரஹ வழிபாடு

கிழக்கு நோக்கி
உயிரூற்றும் சூரியன்
அறிவூற்றும் புதன்
உணவூற்றும் சுக்கிரன்

தெற்க்கை நோக்கி
வீரியம் சுரக்கும் அங்காரன்
கொடுத்து கர்வமூட்டும் ராகு
கெடுத்து விரக்தியேற்றும் கேது

மேற்க்கே பார்த்து
தர்மம் காட்டும் சனீஸ்வரர்
கர்மம் கரைக்கும் சந்திரன்

வடக்கு நோக்கி
ஞானம் புகட்டும் குரு

என ஒன்பது கோள்களும்
நமது மேம்பாட்டின் அளவுகோல்
நமது போக்கின் வழிகாட்டிகள்
நமது சுயசோதனைச் சாவடிகள்

ஒன்பது முறை சுற்றி வந்து
விண்ணப்பித்து செல்லும் சடங்கல்ல!

ஒவ்வொன்றின் பயனுர்ந்து,
பணிந்து வணங்கி,
நன்றியுரைத்து பாருங்கள்!

சர்வ தோஷங்களும் விலகும்,
அனைத்து பாடங்களும் விளங்கும்!

என் செயலா?

தக்கத் தகுதியில் நாட்ட மூட்டுவாய்
தகுந்த சூழலில் புகுத்திடுவாய்
புகுந்த செயலில் துணைநின்று வழிநடத்துவாய்

இதில் என் செயலென கூறுவதெங்கனே!
கர்வம் தலை தூக்குவதில்லையே!