இயக்குநீர் போதை

எங்கிருந்தோ ஆட்கொண்ட ஆர்வத்தை தீட்டி
முழு மனத்தோடு முயர்ந்தது கற்று
உடலை வளைத்து உழைப்பை செலுத்தி
பல தோல்விகளை தொய்ந்து கடந்து
வென்றோரை கண்டு ஊக்கம் தேற்றி
வெற்றியின் ஓரிரு துகள்களை ருசித்து
வென்றோன் வலியோன் என பூரித்து
இயக்குநீர் போதையில் உழன்றிருந்தேன்!

சலிப்பு என்ற துடுப்பை நீட்டி
கருணையோடு கரை சேர்த்து
ஆர்வ ஊற்றை கடந்து காட்டி
குழவி வழியே அகந்தை அகற்றி
உம் வெற்றியில் எம் தோல்வியை பூட்டி
ஒளிந்திருந்த அனுபூதியை வெளிப்படுத்தி
களங்கமகற்றி ஈர்த்து அணைக்கும்
உன் குறும்பிற்கும் ஓர் சலிப்பு உண்டோ?