விளைபொருள் விளைவி!

விளைபொருளை மறந்து
துணைப்பொருளுக்கு அலைவோரை
சராசரியானை ஆட்டுவிக்கும்
சமூக நுட்புணர்களின் சூழ்ச்சிக்கு சரிந்தோரே

உணவின் விளைபொருள் சத்து
அதனின் துணைப்பொருள் சுவை

கல்வியின் விளைபொருள் ஒழுக்கம்
அதனின் துணைப்பொருள் அறிவு

தொழிலின் விளைபொருள் உபாயம்
அதனின் துணைப்பொருள் செல்வம்

உறவின் விளைபொருள் அன்பு
அதனின் துணைப்பொருள் உதவல்

வினையின் விளைபொருள் தர்மம்
அதனின் துணைப்பொருள் புகழ்

முதுமையின் விளைபொருள் ஞானம்
அதனின் துணைப்பொருள் மதிப்பு

துணைப்பொருளால் உண்டு உபாயம்
நீர் மேல் தாமரைபோல் அனுபவி

ஆக்கப்பொருளே நிதமான வளர்ச்சி
ஆன்ம ஆணைப்படி விளைவி.